TAMIL PROSE POETRY

SELECT YOUR PSALM HERE

1. பரிசுத்தமும் நீதியும்

சர்வத்தையும் சிருஷ்டித்தவரின் சாயல்- பரிசுத்தமும்... நீதியுமே!
சுத்தம் என்ற வார்த்தையின் முழுப் பூரணத்தன்மையே, பரிசுத்தம்
துல்லியமான திவ்யஜீவாலை போன்ற பட்சிக்கின்ற நேர்மையே நீதி
மாறாத இவ்விரண்டிலிருந்து பிறப்பதுவே. உண்மை (or) சத்தியம்.

அசுத்தத்திலிருந்து...சுத்தத்தைப் பிறப்புக்கிறவரின், அபூர்வமான கிரியையே...
ஆண்டவர் மூலம் வெளிப்பட்ட தயவு:

தடுமாற்றம் கண்டறிந்து தடுக்கப்படவே...
தயவு நமக்குத் தயவு செய்கிறது;
தொடர் மாற்றம்.. தொடர்ந்து. நல்மாற்றம் வரும்வரை, ஓங்கி நிற்கும் தயவு...ஒய்வெருப்பதில்லை:

பயிற்சியின் நோக்கம் பலன் பலன் பெறும்படிக்கே;
இருதய நோக்கத்தின் முயற்சி;
பயிற்சியினால் வளர்ச்சிவெற்று,
அசுத்தமானதைப் பகுத்தறிந்து...
அதில் சுத்தமானதை படித்து அறிந்து,
மாம்சத்தில் ஏழுமுறை விழுந்தாதும்...
மறைக்காத உள்ளத்தோடு...
மறுபடியும் எழுந்திருந்து,,
மறுரூப மலைக்கு ஒடி,
மகிமையையும்.. பரிசுத்தத்தையும்...நீதியைபும் மிளிரச் செய்வதே,
மணவாளனுக்கு ஆயத்தமாகும் மணவாட்டியின் வேலை;

நீதியின் வஸ்திரம் தரிக்கப்பட்டதும்;
கிருபாசன சலுகை அளிக்கப்பட்டதும்
சுத்திகரிக்கும் சத்தியம் கொடுக்கப்பட்டதும்,
சுகம்பெறும் ஐக்கியம் சேர்க்கப்பட்டதும்;
சிட்சை என்னும் மருந்து தெளிக்கப்படுவதும்,
பரிசுத்தமும்.நீதியும் நம்மில் வளர்ந்து பெருகவே;

அறியாமைக்கு தரப்படுவது... இரக்கம்:
அறிந்தும் செய்யும் அசட்டு தைரியத்துக்கு, சிட்சையும்...
சீர்படுத்தலும் அவசியமாமே;

இரக்கத்தை மிகைப்படுத்தி..
கிருபையை மட்டுமே விரும்பி,
அநீதியில் பிரியப்பட்டு..
நீதியில் குறைவுபட்டு...
சலுகைகளால் மட்டுமே சிங்காசனம் பெற விரும்பினால்,
விழுகையின் விளிம்புக்கு விரைவது போலாகிவிடும்;
பாவியின் மேல் சினம் கொள்ளுகிறவரும்;
பாவத்தை ஒரு துளியும் அங்கீகரிக்காதவரும்,
பட்சபாதமில்லாதவரும்... பட்சிக்கிற அக்கினியுமானவரும்;
பரலோகத்தின் பிதா.-பரிசுத்தத்தையே விரும்புகிறார்!

பாவ மோப்பம் பிடிக்கும் நாய்போல.. திருக்குள்ள இருதயத்தின் திருட்டுத்தனம் திருத்தப்பட தடவப்படும் மருந்தே..
மனதுருக்கம்;
ஆனாலும்,
மனதின் இறுக்கம் தொடருமானால்,
அங்கே மறு பேச்சுக்கு இடமில்லை;
மகிமைக்கும்...வழியில்லை:

ஆம் -- தேட ஒரு காலமுண்டு..
இழக்க ஒரு காலமுண்டு
காப்பாற்ற ஒரு கால முண்டு
எறிந்துவிட ஒரு காலமுண்டு;
[ பிரசங்க:3:6

எனவே, குளிர்ந்த நீர் போன்ற சத்தியமே...
சில நேரம் சுடும் வெந்நீராய் சுத்திகரிக்கும்.
நீதியில் நிறைவடைந்து..
அநீதியின் மேல்..
எரிச்சல் உள்ள..
பரிசுத்தரின் வசனமே..சத்தியம்.
ஆமென்

கவிஞர் அருள் வேளாங்கன்னி,
திண்டுக்கல்

2. பாறையும்... உளியும்... சிற்பாசாரியும்

உருவமற்ற பாறை ஒன்றை உற்று கண்ட சிற்பி - தான்,
உருவாக்கும் படைப்பாற்றலால் உயிரூட்ட சித்தமானார்!

கருப்பிடிக்கும் கருவியாக... சிற்றுண்டி எடுத்துக் கொண்டு
பெருங்கல்லை உடைத் தெடுத்து.. பெரும் பணியை துவக்கினாரே!

சாத்தியமாகிய சம்மட்டி... சந்தேகத்தை உடைத்து
அசத்திய மென்னும் அறியாமையை அடித்து பொடித்தது;
கருங்கல் என்னும் ஸ்தரக்கல் காணும் படி,
வெறும்... மண் எல்லாம் அகற்றப்பட்டது.

சிற்பாசாரிக்கு சிறந்த சித்திறக்கள் கிடைத்தது இப்போது;
கல்லை நல்வழிக்கு கொண்டு வரும் படிக்கு,
இப்போதே, உளியின் உழைப்பு தேவைப்பட்டது.

சிற்றுளி என்னும் கொத்தும் உளி,
குழி குழியாய்க் கொத்தும்போது,
வழிவழியாய் வந்தவினை...
வலிகலோடு விலகியதே;

பாரம்பரிய பழக்க வழக்கம்....
பாசம் நிறைந்த சுற்றமும்.. நட்பும்;
பற்றிப்பிடித்த.-லட்சியங்கள்;
நிரம்பப் பிடித்த... உயிராசைகள்.
இவைகள் எல்லாம், உளியின் உடைப்பில் உதிர்ந்து போயின;

ஆனாலும்.... கல் மேல் கொண்ட நோக்கம், கரையாமல் இருந்த சிற்பி;
உளியின் கூர்மையை உரசிக் கூட்டினாரே;
பட்ட அடியெல்லாம் பற்றாது என்று;
கொத்தும் உளியால் குத்திப் பெயர்த்தார்.

ஐயா;
'நான் ஒரு கல்.. அதனாலே எனக்குள் கடினமுண்டு உமது மனம் கருணையன்றோ...
ஆனாலும்... கடுமையான உளியாலே உலுக்குகிறீரே...
இப்படிக்கூறி... கல்லும் கரைந்தது [அழுதது]

கருங்கல்லான... வெறுங்கல்லே... நீ
இருக்கின்றாய் மங்கலாய்;
அங்கலாய்ப்பு இல்லாதிருந்தால்... நீ
அங்கமாவாய் என் ஆலயக்கல்லாய்!!

கொஞ்சம் பொறு....
உளியை மாற்றுகிறேன் என்று சொல்லி,
மிகச்சிறிய உளி ஒன்றை எடுத்தாரே;
அன்பான சிற்பாசாரியின்...
அக்கறையுள்ள உளி,
இலகுவான உளி..
கொஞ்சம் இனிமையான உளி
இனி பயயில்லை. வலியில்லை

ஆனாலும்... இதோ...
குருதிபொங்கும்.. இறுதிக் குத்தும்,
மன உறுதி கலங்கும் குத்தூசியுமான உளி இதுவே;
முந்தைய உளியோ...என் உடலைப் பெயர்த்தது;
இந்த பிந்தைய உளி.. என் உயிரையே அசைத்தது;

ஆம்.. இது என் நேச உளி:
நான் நேசித்த உளி
ஆனால்... யோசித்துக் கூடப் பார்க்கவில்லை.
இது பாசாங்கு உளி...என்று:
சிற்பாசாரி சொன்னார்...
சிரித்துக்கொண்டே...

உனக்கு வலித்தால் தான்...
நீ ஜீவனுள்ள கல்:
வலிக்க வில்லை என்றால்...
நீ வழிக்கல் [மைல்கல்] போல இருப்பாய்:

உன் கையே...உன் கண்ணைக் குத்தினாலும்
உடணிருப்போரே...
உன்னைத் துன்புறுத்தினாலும்,.
உண்மையாய் நீ இருந்தால்.--
உயர்த்தப்படுவாய் மகிமைக்கு

உளியின் கூர்மையைக் கண்டு கலங்காதே:
உன்னைக் கையில் எடுத்த என்னை நோக்கிப்பார்:
ஏனெனில்...நான் உன்னைக் காக்கின்ற இறைவன்!!
ஆமென்!!

கவிஞர் அருள் வேளாங்கன்னி,
திண்டுக்கல்

3. சந்தோஷம்

நீதியின் செயல்முறை விளைவே... சந்தோஷம்;
இருதய சமாதானத்தின் வெளிப்பாடு... சந்தோஷம்;
துன்மார்கன் பெறமுடியாத சொத்து... சந்தோஷம்;
பாவம் செய்யாமல் விலக்இருக்கும் போது வரும்; சந்தோஷம்.

சந்தேக உள்ளம் பெறமுடியாது...சந்தோஷம்;

சங்கீத புஸ்தகத்தின் சத்தியம்... சந்தோஷம்; கசப்பான வேப்ப மரத்தின் பழம் இனிப்பதுபோல

துன்பத்தின் ஆழத்திலும் சுகமான... சந்தோஷம்:

தெலீலாளின் மடியில் சிம்சோனின்--- சந்தோஷம்:

தெளியாத மயக்கத்தில் வந்த, அந்த சந்தோஷம்;

உயிரைப் பறித்த கண்ணி அந்த, சந்தோஷம்;

உண்மையுள்வர்க்கு ஆபத்து இந்த...சந்தோஷம்;

பரலோகத்தில் மிகுந்து வரப்போகும் சந்தோஷம்.--அது,

காணாமல் போன ஆடு [மனுக்குலம் ] கண்டு பிடிக்கப்பட்டதால் வரும் சந்தோஷம்.

ராஜ்ஜியத்தை நமக்குக் கொடுப்பதனால் பிதாவுக்கு சந்தோஷம்.

மகிமையுள்ள சந்நிதானத்தில் ..நம்மை மாசற்றவர்களாய் நிறுத்துதில் சந்தோஷம்.

குமாரனை சகல பரியூரணத்துக்கும் உயர்த்துவதில், அப்பாவுக்கு சந்தோஷம்

குமாரனுக்குள் சகலமும் கூட்டிச் சேர்க்கப்படுவதில் சர்வ மகா சிருஷ்டிகருக்கு..சந்தோஷம்; குமாரனின் கீழ்ப்படிதலே பிதாவுக்கு மிகுந்த சந்தோஷம்,

குமாரனுக்குள்---குணசாலிகளை கூட்டிச் சேர்ப்பதால்,

சர்வ குடும்பத் தலைவருக்கு சம்பூரணமான.... சந்தோஷம்;

என்... கர்த்தரின் சந்தோஷம்...இதோ!

பேசி சில தீர்க்கதரிசனம் நிறைவேற்றினார்.

பேசாமல் நின்ற போதும் தீர்க்கதரிசனம் நிறை வேற்றினார்.

கிரியைகளினால் சில தீர்க்கதரிசணம் நிறைவேற்றினார்.

அமைதியாய் இருந்து தீர்க்கதரிசனம் நிறைவேற்றினார்.

அவமானப்பட்டும். சில தீர்க்கதரிசனம் நிறைவேற்றினார்.

அங்கமெல்லாம் கிழிக்கப்பட்டும் . சில தீர்க்கதரிசனம் நிறை வேற்றினார்;

தமக்கு முன்பாக பிதாவினால் வைக்கப்பட்ட சந்தோஷம்,

தமக்குள்ளாக அதை தரிசித்து நடந்ததினால் பெற்றார் அந்த சந்தோலும்;

ஆபிரஹாயின் சந்தோஷம் விசுவாசத்தின் மூலமே;

யோபுவின் சந்தோஷம் பொறுமையாய் சகித்தபோதே;

தானியேலின் சந்தோஷம் சிங்கத்தின் நடுவில் பக்திவைராக்கயமே;

அப். பவுலின் சந்தோஷம சிறைச்சாலையில் பட்ட

அடிகளின் மத்தியில் தானே;

அற்ப சந்தோஷமும் உண்டு, ஆனந்த சந்தோஷமும் உண்டு;

உழைப்பில்லாமல் பெறும் சந்தோஷம்... தண்ணீரில் உப்பைப்போல கரைந்துபோகும். உபத்திரக்குகையிலே உணர்ந்து பெறும் சந்தோஷம்,

அதுவே... உலகம் எடுக்க முடியாத சந்தோஷம்:

"உள்ளதல் நிறைவு கொண்டால்,

அது, உள்ளத்தின் சந்தோஷம்.

என் ஆண்டவரின் பெயரை நினைக்கும் போதெல்லாம்....

இருதயத்தில் தேன் தடவினது போல இனிமையான ஒரு சந்தோஷம்!.

நான்...புது சிருஷ்டியாய் வளர்ச்சி அடைவதில் தான்,

என்னை ஜெநிப்பித்தவருக்கு சந்தோஷம்:

ஆம். "உங்கள் துக்கம் சந்தோஜமாய் மாறும்" என்று

: சந்தோஷக்காரணர் சொல்லியிருக்கிறார்!!.

ஆமென்!

கவிஞர் வேளாங்கன்னி.
திண்டுக்கல்

4. கடலிலே வீசப்பட்ட வலை

கடலிலே வீசப்பட்ட வலையில் சிக்கிய மீன்..நான்;
அது பரலோக ராஜ்யத்தின் கண்ணுக்குத் தெரியாத வலை;
வலை கரைக்கு வர வர பிடியும் இறுகியது.
நான் வலைக்குள்..வளைக்கப்பட்டேன்.

அன்பின் கயிறுகளால் கட்டி இழுக்கப்பட்ட வலை...இது
ஆசை காட்டி மோசம் போக்கும் கண்ணி அல்ல இந்த வலை;
இதை வீசினவர் மீனவர் அல்ல... அவர் என் மீட்பர்;
ஆம்! அவர் என்னைப் பிடிக்கவில்லை - மீட்டுக்கொண்டார்.

அலையின் அலைக்கழிப்புக்கும்
ஆழியின் ஆழத்துக்கும்...
என்னைக் காப்பாற்றின... கர்த்தரின்
வனையும் வலையே இந்த ரட்சிப்பின் வலை;

கரையிலே என்னைப் பிரித்தெடுத்து...
கீழ்ப்படியும் நல்லமீன் என்று என்னைக் கண்டு,
வரப்போகும் ராஜ்யத்தின் சத்துணவாக என்னைப்
பதப்படுத்தும், பக்குவக்காரரே-என்னைப் பிடித்தார்;

கடலின் (உலகின் ] சந்தோஷம் அடிக்கடி எனக்குள்
வந்து... வந்து போனாலும்...
அவைகள் என்னை
வெறும் கருவாடாக மட்டுமே மாற்றும்:
நல்ல மீனையும். கெட்ட மீனையும் பிரிக்கிறவர்,
நம்பிக்கைக்கு உரியவராய் கையில் எடுத்துள்ளார்.

உருவம் பெருத்த நீர் ஜந்துக்கள் வலிமை உள்ளவைகள்;
ஆனால்- சில சிறுமீன்களும்.. சுவையுள்ளவைகளே;
எளிய மீனாகிய என்னையும் கண்டு,
எப்படித்தான்...என்னையும் நம்பினாரோ...!!!

நான் எப்படிப்பட்ட மீனாக இருந்தாலும்,
ஒருநாள்... வீணாகத்தான் போயிருப்பேன்;
கடல்நீரை விட்டு...கரையேறி திரு வசன தண்ணீரில்
என்னை நீந்த விட்டவர்...
தண்ணீரில் கழுவி...கழுவி, என்னை நல்ல மீனாக மாற்றுகின்றார்!!

வழுக்கும் தன்மை எனக்கிருப்பதால்...அவரின்
வனையும் கையைவிட்டு...துள்ளி துள்ளி ஓடினாலும்,
அள்ளி.. அள்ளி.. கையில் எடுத்து,
சிறு கள்ளுகளால். கிள்ளிக் கிள்ள செல்லமாய்ச் செதிலைத் தட்டி..குத்தும்
முள்ளைக் கூட புல்லைப் போல் ஆக்குகிறார்.

ஈன மீனுக்கெல்லாம் இரக்கம் கிடைக்குமோ?
வலையில் பிடித்த மீனவர் வருடிக் கொடுப்பாரோ?
துள்ளத்துடிக்கும் மீனை அள்ளி அணைப்பாரோ?

இதோ...மனுஷரைப் பிடிக்கும் இந்த மகா மீட்பர்
வரப்போகும் மீன்களுக்கு வழிகாட்டி ஆக்குகிறார்:
சிறு மீன்களை ஓட விட்டு... பெருமீன்களை கொத்திப் பிடிக்கும் கொக்குகளின் [சாத்தான்)
கொடுக்குக்கு..விடுவித்து..
என்னைக் கொள்ளைதரம் காப்பாற்றி

நல்ல மீனாய்க் கூடையில் சேர்த்து
நறுமணம் [அழியாமை ] வீசச் செய்தார்!!
வலையின் இறுக்கத்தை விட.. அவரின்
இரக்கம் பெரிதாய் இருக்கின்றதே!!

அல்லேலூயா

கவிஞர் திண்டுக்கல் வேளாங்கண்ணி

5. யோசனையில் பெரியவர்

ஈசாக்கைப் பலியிடச் சொன்ன இறைவன்..

அதற்கு முன்பாகவே, முட்புதரில் ஆட்டை சிக்கவைத்து ஈடுசெய்தார்.

யோசேப்பைக் குழியில் போடுவதற்கு முன்பாகவே..

அவரை வாங்கும்படி இஸ்மயேலரை வியாபாரத்துக்கு புறப்படச் செய்தார்;

மோசேயை நதியில் தனித்து விடுகிறதற்கு முன்னே,

பார்வோனின் குமாரத்தியை ஆற்றுக்கு புறப்படச் செய்தார்:

அதே மோசே காணானுக்குள் பிரவேசிக்க ...

முடியாமல் போகு முன்பே

யோசுவாவை, தேசத்தைப் பங்கிடும்படி ஆயத்தம் பண்ணினார்.

தாவீது இருதயத்துக்கு ஏற்றவராயிருந்தாலும்,

தேவாலயம் கட்ட.. சாலமோனை பரம தந்தை ஆயத்தம் பண்ண வைத்தார்;

தாவீதின் கண்ணயம் பரி சோதிக்கப் படும்படி

முன்னதாகவே..சவுலுக்கு நித்திரை வரச்செய்தார்;

யூதா கோத்திர சாலமோனின் சந்ததி வீழ்ச்சியடையும் முன்னே...

தாவீதின் குமாரன் நாத்தானின் வம்சத்தை தொந்தெடுத்தார்.

மொர்தகாய் உயர்த்தப்படும்படி முன்னதாகவே, நினைவு புத்தகத்தில் குறிப்புகளை எழுதி வைக்கச் செய்திருந்தார்.

பெத்லகேமில் ரட்சகர் பிறக்கும்படிக்கு

தீர்க்க தரிசனம் நிறைவேற -

அகுஸ்து ராயனால் குடி மதிப்பு எழுதும் கட்டளை பிறக்கச் செய்தார்;

உலகத் தோற்றத்துக்கு முன்பாகவே...

குமாரன் அடிக்கப்பட்ட ஆட்டுக்குட்டி ஆகும்படிக்கு. - அனைத்தையும்..ஆயத்தப்படுத்தி வைத்தார்:

கர்த்தர் பேதுருவைப் பிடிக்கும்படிக்கு... வலையில் சிக்காத படிக்கு...

இரவு முழுவதும் மீன்களுக்கு தடை செய்திருந்தார்.

அப்: பவுலைப் பிடிக்கும்படி தமஸ்கு நகருக்குச் நியாய சங்கத்தின் கடிதம் கிடைக்கச் செய்தார்:

நாம் தெளிவடையும்படி,

இஸ்ரயேலின் ஜீவியத்தை திருஷ்டாந்தமாக முன்னமே ஏற்படுத்தியிருந்தார்;

கர்வம் கொண்ட பாபிலோனை பிடிக்கும் படிக்கு, முன்பாகவே...

கோரேஸ் ராஜா மூலம்...

ஐபிராத் நதியை கால்வாய்களாய் பிரித்து வற்றச்செய்தார்.

மைதீட்டி... அழகுடன் மயக்கிய யேசபேல் அழியும் படிக்கு

அவள் கூடவே இருந்த சிலரை,

யெகூ ராஜாவுக்காக முன்னரே ஏற்படுத்தி வைத்திருந்தார்.

அப். பவுலின் ஊழியப்பாதை திறக்கும் படிக்கு லீதியாளை முன்பாகவே வரச் செய்திருந்தார்.

நாகமான் இஸ்ரயேலின் கடவுளால் குணமாகும்படி,

அவரின் வீட்டுக்கு ஒருசிறுபெண்ணை வேலைக்காரியாக

முன்னரே அனுப்பு வைத்திருந்தார்.

தானியேல் சிங்க கெபிக்குள் தள்ளப்படுவதற்கு முன்பாகவே...சிங்கங்களின் பசியற்றுப் போக

அவைகளின் வாயை கர்த்தர் கட்டினார்:

அக்கினியின் உக்கிரத்தை அவித்த மூன்று புருஷர்கள்,

தீயில் போடப்படுவதற்கு முன்பாகவே,

கர்த்தர் அவர்களோட கூடப் போனார்;

அர்ப்பணிக்கப்பட்டவர்கள் நடந்து கடக்கும்படிக்கு,

தலையானவர் - முன்னரே அடிச்சுவடுகளை ஏற்படுத்தி

கடந்து போய்க் காட்டியுள்ளார்.

நான் வெய்யிலில் நடக்கும் போது, எனக்காக கன்மலையின் தண்ணீர் விசுவாசக் கண்ணில் தென்படச் செய்துள்ளார்.

என் வழிகளெல்லாம் அடைக்கப்படும் போது... என்னை அழைத்துச் செல்ல அம்மினதாபின் ரதம் ஆயத்தமாய் உள்ளது:

எனவே... அவரில்லாமல்...

அவருக்குத் தெரியாமல் ....

அவருடையவர்களுக்கு....

எதுவும்... எப்போதும். நடப்பதுமில்லை, கடப்பதுமில்லை. கைப்பிசகாய் எதுவும் நடக்காமல்,

அவரின் கை, அசைவால் மட்டுமே எல்லாம் நடக்கும்.

ஆகாயத்தில் ஏறுவதோ....

ஆழத்தில் இறங்குவதோ... எதுவாயினும்

திடப்படுத்துகிறவரின் தீர்மானமே!!!

எனவே, இப்போதும்... எப்போதும்...

எந்தச் சூழ்நிலையிலும் நாம் சொல்லலாம்.

கர்த்தர் கொடுத்தார்,

கர்த்தர் எடுத்தார்.

ஆண்டவரின் பெயருக்கு

மாட்சி உண்டாவதாக!!!

ஆமென்!!

கவிஞர் வேளாங்கன்னி
திண்டுக்கல்
9789387638

6. சாத்தானே சாத்தானை துரத்தினால்!

ராஜாவே தன் ராஜ்யத்தை கலைப்பானோ...?

தானே தனக்கு சதி செய்வானோ?

மரக்கிளையில் அமர்ந்து கொண்டு ஒருவன்.

அடிமரத்தை வெட்டுவானோ? செய்யமாட்டாரே!!

சாத்தானே சாத்தானை துரத்துவது எங்ஙனம்?

பிரகாசமான விடிவெள்ளி நட்சத்திரம் - லூசிபர்.

குறை காணப்படுவதற்கு முன்பு நிறைவாகவே வசித்தார்;
அழகின் மினுக்கினால் மேட்டிமையாய் யோசித்தார்;
சிருஷ்டித்தவரின் சாயலை அடைவதற்கு பதிலாய்,
சிருஷ்டிகரின் ஸ்தானத்தை இச்சித்ததால், தனக்கு தானே சதி செய்தார்.

காப்பாற்றுகிற கேரூப் இவரே.

ஆதாமின் பொறுப்பு:

பிரமிக்கதக்க அதிசய சிருஷ்டியை, அபகரித்து பிரமிப்பை ஏற்படுத்த விரும்பிய போது தன் பொறுப்புக்கு தானே வெறுப்பை தேடினார்.

அந்தகார ஆகாசத்தில் தள்ளப்பட்டு.

ஆசையால் விழுந்த அசுத்த ஆவிகளோடு அபூரண மனிதரிடம் ஆர்ப்பாட்டம் செய்து அகங்கார ஆட்சி அமைக்க போராடி.....

நிறைந்த தன் ஞானத்தை குறைந்த தன் செயலால் விரயமாக்கி,
கட்ட நினைத்த தன் பாவராஜ்யத்தின் அஸ்பாரத்தை தானே இடிக்க துவங்கினான்!

அனந்த ஞானத்துக்கு முன்னாலே...

உலர்ந்த ஞானம் என்ன செய்யும்?

பாவ தீமை அதிகரிக்க திட்டமிட்டது..குறைந்த ஞானம் (சாத்தான்)
பாவ சம்பள மரணத்தில் தீமை அனுபவம்

பெறச் செய்தது நிறைந்த ஞானம் (இறைவன்)

மாட்டை விரட்டும் சாட்டை.
தன்னால் மாடு மிரளும் வல்லமை தனக்குண்டு - என்றென்னுமாப்போல்,
சாத்தான் தன் சேட்டையினால்,
கடவுளின் கை சாட்டைபோல் ஆனானே......

தான் தூண்டும் தீமை கொண்டு வரும் அனுபவ அறிவு;
இன்னதென்று அறியாமல்,

விஞ்ஞானி வீண் ஞானி ஆகிப் போனானே!

ஆயிரம் தேனிக்களின் பிரயாச தேன்கூடு ஒரு சிறுகல்லால் சிதறுவது போல்,
பிரமாண்ட தோற்றமான பலூன் ஒன்று,
சிறு குண்டூசி முனையால் உடைவது போல்,
சாத்தான் கட்டின சர்வாதிகார ராஜ்யம் சாதரணமாய் அகற்றப்படும்!

கர்த்தரை அழிப்பதாய் கர்வம் கொண்டு தன்னைத்தானே அழித்துக் கொண்டான்;
அழியாமைக்கு உயர்த்தப்பட்டார் ஆண்டவர்.
அழிவுக்கு நியமிக்கப்பட்டவன் அகங்காரன்!

அந்திகிறிஸ்து அமைப்பாக, அற்புதங்கள் செய்து பிசாசுகளை துரத்தும் புண்ணிய அமைப்பாய் எண்ணிக்கொண்டு தன் ஆதிக்க ராஜ்யத்தை தானே எதிர்த்தவன் சாத்தான்!

பொய்யின் தூதன் ஒளியின் தூதனாய் வேஷமிட்டு
பொய்யாய் கட்டின மாயராஜ்யம் தனக்குத்தானே விரோதமாயிருப்பதினால்..
நிலைநிற்காமல் போவது சத்தியம்தானே!

மரங்கள் காற்றை சலவை செய்யும் குணங்கள்,
மனதை சுத்தம் செய்யும் சத்துரு பெருவெள்ளம் போல் சபையின் மீது வீசினாலும்,
மெல்லியமாவை சலிக்கும் சல்லடை சாத்தான்தானே...

அடிமேல் அடிவிழும்போதே அரிவாள் கருக்காகும்;
அழித்தொழிக்க எண்ணும் சாத்தானால் சபை களஞ்சியம் சேரும்;
கதிராய், பக்குவப்படும்.

குதிகாலை கடிக்கும் சர்ப்பத்தால்,
சபை தலையோடு இணையும்
சீக்கிரத்தில் தன் தலையை தானே நசுக்கச் செய்யும் சத்துருவின் கோபத்தால்
இறைவன் தாமே மகிமைப்படுவார்.

மெசியாவின் யுகத்தில் மோசம் போகும் வஞ்சகத்தை மனதில் கொண்டு
ஜீவ நாசம் செய்யும் சுயநலத்தை -
விரும்பிச் செய்யும் - எதிராளி;

பரிசுத்த நகரத்தின் கறையை அகற்றும் பாத்திரமாய் செயல்பட்டு தனக்கு தானே அழிவை தேடும் சாத்தான்;
இப்படியாக தன்னைத்தானே துரத்திக் கொண்டான்!!

கீழ்ப்படிதல் காட்டாத எந்த சிருஷ்டியும்;
எப்போதும் சிருஷ்டிகருக்கு முன்பாக நின்று பிழைக்க வகையுமில்லை.
வாய்ப்பும்...... இல்லை!!

"பூமியின் குடிகள் எல்லாம் ஒன்றுமில்லையென்று எண்ணப்படுகிறார்கள்;
அவர் தமது சித்தத்தின்படியே வானத்தின் சேனையையும் பூமியின் குடிகளையும் நடத்துகிறார்;

அவருடைய கையைத் தடுத்து,
அவரை நோக்கி: என்ன செய்கிறீரென்று சொல்லத்தக்கவன் ஒருவனும் இல்லை என்றேன்."
(தானியேல் 4: 35)

ஆமென்!!

சகோதரர் அருள் வேளாங்கண்ணி
திண்டுக்கல்
9789387638

7. குறையொன்றும் இல்லை. பூரண சற்குணா

நிறைவான எந்தன் இறைவா!
குறையொன்றும் இல்லை, யா - வே
மனுஷரின் கண்ணுக்கு புலப்படாத இறைவன்.
மனிதரில் ஒருவரும் கண்டிராத இறைவன்
அதனாலே எனக்கு குறை ஒன்றும் இல்லை;

குமாரனில் வெளிப்பட்ட என் சிருஷ்டிகரே..
குமாரனுக்குள்ளே நீர் மகிமைப்பட்டீரே.
குறை ஒன்றும் இல்லை நிறைவான இறைவா!

நன்மைகளைச் செய்திடும் நல்லவராய் நீர் இருக்க.
வேறொரு நன்மையில்லை, ஜோதிகளின் பிதாவே;
குறை ஒன்றும் இல்லை நிறைவான இறைவா...
குறை ஒன்றும் இல்லை யா-வே

குறை ஒன்றும் இல்லை. தேவா
ஒன்றும் இல்லை - யா - வே " ஒரு மனமாய் நிற்கிறீர்... இறைவா!
நீர்..ஒரே மனதாய் இருக்கின்றீர்- இறைவா...[2]
உம்மை ஒருமனப்பட்டவர்கள் மட்டுமே காண்பார்
ஒன்றாக இருக்க.. குறை ஒன்றுமில்லை;

நீதியில் அரசாட்சி செய்கின்ற "யா - வே"-[2]
இறை இயேசு நடந்திட்ட பாதை தான் அதுவே...
நிறைவாக வைத்திட்ட மாதிரியும் இதுவே...
குறை ஒன்றும் இல்லை... பூரண சற்குணா
குறை ஒன்றும் இல்லை இறைவா!
குறை ஒன்றும் இல்லை யா-வே

பாவியர்க்கிறங்கி... கிருபையை பெருக்கி
நிலையான ஜீவனை கொடுக்கின்ற நித்தியா[2]
குறை ஒன்றும் இல்லை பூரண சற்குணா

யாரும்... வெறுக்காத சத்தியரே [2]
உம் வழியில்...
ஏது இடை நிற்கும்
கருணைக் கடல் அன்றோ...

என்றும் இருந்திட.. ஏது குறை எனக்கு...
என்னோடு இருந்திட.. ஏது குறை எனக்கு...

ஒன்றும் குறைவில்லை.. நிறைவான இறைவா!
ஒன்றும் குறைவில்லை நிறைவான "யா-வே"

குறை ஒன்றும் இல்லை பூரண சற்குணா..
நிறைவான எந்தன் இறைவா
குறை ஒன்றும் இல்லை யா-வே"

சகோதரர் அருள் வேளாங்கண்ணி
திண்டுக்கல்
9789387638

நான் எம்மாத்திரம்
அண்ட சராசரங்கிளை உண்டாக்கினவராகிய
உமக்கு முன்பாக இந்த பூமி எம்மாத்திரம்! பூமியின் பிரமாண்டத்துக்கு முன்பாக
மனிதனுடைய மண்ணால் ஆன சரீரம் எம்மாத்திரம்!

மரிக்கும் படியான பாவ சாயலிலே
மனுஷீக ஞானம் எம்மாத்திரம்? உண்டாக்கப்பட்ட வஸ்துவாகிய நான்... என்னை
உருவாக்கின சிருஷ்திகருக்கு முன் எம்மாத்திரம்?

பூஜ்யத்தில் பூஜ்ஜியம் தானே நான்!
ஆனாலும் நீர் என்னை பிரமிக்கத்தக்க
அதிசயமாய் உண்டக்கினீர்.

அதிலும் விசேஷமாக என்னை பிரித்தெடுத்து
உருவேற்படுத்துகின்றீர்
அசுத்தத்தில் இருந்து சுத்தத்தை பிரிக்கும்
அதிசயத்தை செய்கிறவர் நீரன்றோ!!

ஆம். விஷமகாரனாகிய என்னை விசேஷித்தவனாக்கினீர்;
கசப்பான கீரையை கொடுத்தது.. எண் ஜீவனுக்கு,
காப்புரிமையை அளித்திட்டீர்.

நான் உமக்குள் இருப்புக் கொள்ளும் படிக்கு
என்னை இருப்பு ஆயுதம் போல உருக்கி வார்த்து
என் ஆண்டவரின் சாயலை எனக்குள் அச்சுப் பதித்தீர்.

நீர் என்னைக் கையிலெடுக்க நான் எம்மாத்திரம்?
நீர் என்னை கருப்பிடிக்க நான் எம்மாத்திரம்
குலைத்து போடத்தக்க பாத்திரமான என்னை
குறைவுகளை நீக்கி குதூகலம் காணச் செய்தீர்!

இந்நேரம் மாத்திரம்... நீர் என் கூட இல்லாமல் இருந்திருந்தால்
கணநேர மாத்திரத்தில் நான் இடம் மாறிப் போயிருப்பேன்;

பிறந்த ஊரை மாற்றி.. புது சிருஷ்டியாக என்
பெயரை மாற்றி... உருமாற்றி... உமக்கு முன்பாக,
என்னை... நிறைவாக்கி நிலைநிறுத்த
என்றைக்குமே, நான் எம்மாத்திரம்

அம்மாத்திரம்... இம்மாத்திரம் எப்போதுமே
எதிராளியின் ஆத்திரமும் உம்முன் எம்மாத்திரம்?

சானைக் கல்லால் அரைக்கப்பட்டும்,
நொறுங்கி போகாமல்,
சாதனைக் கல் எட்டும் வைரக்கல்லாம்
சபையின் வெற்றியும் அதற்கு காரணமும் நீர் மாத்திரமே

எண்ஜான் உடம்புக்கு தலையே பிரதானம்
என்னதான் சிறந்ததானாலும் சரீரம் எம்மாத்திரம்?

ஆம். என் ஆண்டவரின் பாத்திரம்
அதிலே பங்கெடுப்பதில் மாத்திரம்
நானும் ஆவேன்... அதில் ஒரு கோத்திரம்!!

எப்போதுமே நான் எம்மாத்திரம்!
எப்போதுமே ஆசீர்வதிக்க ப்படுவதினால்
என்றும் சொல்வேன்... நன்றி!! ஆமென்

9. நீங்கள் அல்ல... கடவுளே காரணமானவர்

நீங்கள் அல்ல... கடவுளே என்னை இங்கே (எகிப்துக்கு)
அனுப்பினார்;
கவலைப்படாதீர்... என்ற யோசேப்பு:

என்னை கட்டுங்கள்... அவர்களை போகவிடுங்கள்;
சகோதரருக்காக தன்னையே கட்டக் கொடுத்த யூதா;

இவர்களை நானா பெற்றேன்?
என்னை கொன்று போடும்;
இசுரயேலர் வழிநடத்தும் என்று வேண்டிக் கொண்ட மோசே;

இந்த ஆடுகள் என்ன செய்தது...
தவறு என்னுடையதே;
என்னை தாண்டியும் என்று தாழ்ந்து பேசின தாவீது.

தனது நண்பனை காப்பாற்ற சில நேரம்,
தன்னையே பணயம் வைத்த யோனத்தான்;

நான் தான் உங்களுக்கு தேவை: எண் சீஷர்களை
போகவிடுங்கள்... என்றே சொன்னார் என் கர்த்தர்;

இவர்கள் மேல் இந்த பாவத்தை சுமத்தாதிரும்... என்று
தன்னை கொன்றவர்களுக்காக பேசின ஸ்தேவான்.

தனக்கு நேரிட்ட அனைத்துக் காரியங்களும்,
தம்மாலே உண்டானதல்ல,
தன்னை எதிர்க்கிறவர்களாலும்... அல்ல;
தம்முடைய பிதாவே அனுமதித்திருக்கிறார்!

இதுவே நம் கர்த்தருடைய உத்தம நிதானிப்பு,
ஆம்... அதனாலேயே
அவர் வையப்படும் போது பதில் வையவில்லை:

பாடுபடும்போது...
பொறுங்கள் உங்களை பார்த்துக் கொள்கிறேன் என்று...
அவர்களை பயமுறுத்தவும் இல்லை;

என் இறைவனே... என் சிருஷ்டிகரே...
இந்த உணர்வுள்ள இருதயத்தையும்
உத்தம நிதானிப்பையும்... எனக்குள் உறுதிப்படுத்தும்.
இந்த நிலையிலேயே, மன ரம்மியமாயருக்க எனக்கு கற்றுதாரும்.

மனுஷர் எனக்கு என்ன செய்ய முடியும்?
நீர் அறியாமல் எனக்கு என்ன நேர்ந்து விடும்?
மனிதர்களின் கோபம் உன் மகிமையை விளங்க பண்ணும்;
மிஞ்சும் கோபத்தை நீர் அடக்குவீர்!!

ஒருவரை தாழ்த்தவும்... அதே ஒருவரை
உயர்த்தவும் உம்மால் தானே கூடும்!
நல்லது அல்லாத எதையும்... எப்போதும்,
நீ எனக்கு செய்ய மாட்டீர்... ஆம்,
நடக்கிறது எல்லாமே... எனக்கு நல்லது மட்டும் தானே;

குறையே சொல்ல முடியாத சுத்தவான் நான் இல்லையே
மறைவானது உமக்கு முன் ஒன்றும் இல்லையே;

நீதி மாறாத மகா இறைவனே... என்னில் நீர் செய்வது,
நீதியின் சுத்திகரிப்புகள் தானன்றோ!

உம்முடைய புடமிடுதலினால்... நான்
பொன்னாக விளங்குவேன்!

அப்பா... நீ அடிக்கும் சிறு அடிகள் கூட,
இவ்வளவு ஆசிர்வாதமாய் உள்ளது;
இனி... நீர் அரவணைத்தால், அது
இன்னும் எவ்வளவு ஆச்சரியமாய் இருக்குமோ!!!

கவிஞர் அருள் வேளாங்கன்னி,
திண்டுக்கல்

10. சிறுமையின் அப்பம்

புளிப்பில்லாத அப்பமே...
சுவையில்லாத அப்பமே...
இந்த சிலுவையின் அப்பம்:
கடவுளின் பார்வையில் இதுவே சிறந்த அப்பம்:

புளிப்புடன்... லேசான உப்பும் கலந்து,
நெருப்பினால் முருவலாக சுடப்பட்டதும்,
புளிப்பின் நொதியினால்... உள்ளாக
புகுத்தப்பட்ட காற்றின் வினையினால்
உண்டான உப்புதலும்... கூடிய

மென்மையும், நாவுக்கு மேன்மையுமான அப்பம் இதுவே;
ஆனால்... புளிப்பு சுவை சேர்க்கப்படாவிட்டால்,
அப்பம், உப்பு சப்பில்லாத, சுடப்பட்ட மாவு மட்டுமாமே;

அதிலே நொடியும் இல்லை, உப்புதலும் இல்லை;
கடிப்பதற்கும், சுவைப்பதற்கும் இது,
கொஞ்சம் கடினமான அப்பம் தானே;

ஏன் இது சிறுமையின் அப்பம்?
நிசான் 14ல், பஸ்கா ஆடு பலியானது:
மீசர்களுக்காக தேவ ஆட்டுக்குட்டி தன்னையே பலியாக்கியது;

நிசான் 15ல் புளிப்பில்லா அப்பா பண்டிகை துவங்கியது;
யூதர்களின் கொண்டாட்டமும் அங்கே விளங்கியது.

இதோ, தங்களின் மெய்ப்பன் கொல்லப்பட்டு
சிதறடிக்கப்பட்ட சிறுமந்தை,
சிறைக்கும், சித்தரவதைக்கும் பயந்து ஓடி, ஒளிந்து;
பூட்டின வீட்டுக்குள்ளும், புகலிடமான இடங்களிலும்,
முடங்கிப் போய்... ,
எதிர்கால பயத்துடனும், ஏமாந்த பதட்டத்துடனும்,
ஏங்கி அழுது, ஏனென்று கேட்க ஆளில்லாமல்,
ஏக்கத்தோடும், என்ன முடியாத துக்கத்துடனும்,
உண்ண முடியாத உணர்வுகளை,
உள்ளடக்கிய அப்பம் தான்... இந்த
புளிப்பில்லாத அப்பம் ஆகிய சிறுமையின் அப்பம்.

ஊருக்கெல்லாம் இது கொண்டாட்டமான பண்டிகை தான்;
உடனாசாரியர்கோ, சுய விருப்பங்கள்.
கொல்லப்பட வேண்டிய பண்டிகை;
உலக கொண்டாட்டங்களின் கொட்டங்கள்
நமக்குள் அடங்கி முடக்கப்படும் பண்டிகை;
எனவே தான்... இது உலகப்பிரகார சந்தோஷங்களுக்கு
உப்பு சப்பில்லாத பண்டிகையாமே!

உயர்ந்த பக்குவத்தை நமக்குள் வளர்க்கும்... இந்த
சிறுமையின் அப்பமே நமக்கு மிகச்சிறந்த அப்பம்.

வெறும் மூன்று நாட்களே, நீடித்திருந்த இந்நிலை
வரும் மூன்றாம் நாளிலே, நிறைந்த மகிழ்ச்சியானது.

சிறுமையின் அப்பம் போன்ற இந்த அருமை ஜீவியம்,
மறுமையில் நிற்கத்தக்க மகிமையில் போய் முடியும்.

இதுவே, சிறுமையின் அப்பம்...
கூடவே கசப்புக்கீரை! ஏன்?
ஆம். அப்பம் பிட்டவருக்கே ஆசீர்வாதமான துன்பக் கிண்ணம்.
எரியும் நெருப்பில் என்னை ஊற்றி எரிப்பதைப் போல,
இவரா தேவகுமாரன்?
இவரை இறைவன் ரட்சிக்கட்டுமே!
இப்படி நம்மை மனம் கசந்து அசந்து போக செய்யும்
அவமான பேச்சே, இந்த கசப்பு கீரை!

சிறுமையின் அப்பமோ, கசப்புக்கீரையோ,
சிரசிலே முள்முடி தரித்தவர் முன்னே நடக்கையில் சிரேனே ஊர் சீமோனாகிய எனக்கு
சிலுவை ஓர் பாரமில்லையே!! இதே
சிந்தை எனக்குள் தொடர்ந்தால்
போகுமிடம் வெகு தூரம் இல்லையே!!! ஆமென்.

தலையில் முள்முடி ஏன்?

இது சிந்தனையை குறைக்கும் சித்ரவதை;
பரிபூரண இயேசுவின் பழுதில்லா சிந்தையை
பலநேரம் குலைத்து போட பகீரத்தனம் செய்து,
திட்டமிட்டு பின்னிய சதியே... முள்முடி:

கல்லை அப்பமாக்கு... என்பது சோதிக்கிற சிந்தனை;
வார்த்தையாகிய உணவே ஜீவன் அளிக்கும்... என்பது
ஜெயம் கொள்ளும் சிந்தனை;
கோபுரத்திலிருந்து தாளக்குதியும்... இது சோதிக்கின்ற சிந்தனை.

உன் இறைவனை பரிச்சை பார்க்காதே என்பது ஜெயம் கொள்ளும் சிந்தனை;
என்னை பணிந்து கொள் எல்லாம் உமக்குரியதாகும் என்பது சோதிக்கிற சிந்தனை.

இறைவனை மட்டுமே பணிந்து கொள் என்னை விட்டு தனித்து நில் இது ஜெயம் கொள்ளும் சிந்தனை;
தான் மரிப்பதற்காகவே வந்தேன் என்பது தெளிந்த சிந்தனை.
நீர் மரிக்கவே கூடாது என்று பேதுரு சொன்னது அறியாமையான அற்ப சிந்தனை;
அப்பாலே போ... சாத்தானே என்றது அற்புத சிந்தனை;

நல்ல போதகரே... இது சோதிக்கின்ற சிந்தனை;
நல்லவர் ஒருவரே... இது ஜெயம் கொண்ட சிந்தனை:
உமக்கும் ஓசைக்கும் ஆலயம் கட்டுவோம்... இது சோதிக்கிற சிந்தனை;
இந்த ஆலயத்தை இடித்து போடுங்கள் மூன்று நாளில் அதை கட்டுவேன்.. இது ஜெயம் கொண்ட சிந்தனை.

நீர் எந்த அதிகாரத்தில் இதை செய்கிறீர்... என்பது போட்டு வாங்கும் சோதிக்கிற சிந்தனை:
யோவானும் தீர்க்கதரிசிகளும் எப்படி செய்தனர் என்பது பதில் அடங்கிய கேள்வியின் சிந்தனை

நீர் இறைவனின் குமாரனா? மனம் நோகும் சோதிக்கின்ற சிந்தனை:
உன் சித்தப்படியே ஆகட்டும்... என்பது மனதார ஜெயம் கொண்ட சிந்தனை:

தங்களின் யார் பெரியவன் என்ற சிஷ்யரின் முறுமுறுப்பு சோதிக்கின்ற சிந்தனை;
தாலத்தில் தண்ணீர் எடுத்து பாதங்களை கழுவினது ஜெயம் கொள்ளும் சிந்தனை;
மல்கூஸின் காதை வெட்டி யுத்தகளம் ஆக்க பார்த்தது சோதிக்கின்ற செயல்பாடு;
தேவை நான் தானே அவர்களைப் போக விடுங்கள்; இது ஜெயம் கொண்ட சிந்தனை.

சாத்தானின் உச்சகட்ட பகை... சோதிக்கிற;
கர்த்தரின் உன்னதமான அன்பு ஜெயம் கொண்ட சிந்தனை
சிலுவையின் உச்சத்தில்... சிரசினில் முள்முடி... இது ஏன்?
நற் சிந்தையை கெடுக்க... கடவுளின் சித்தத்தை மறக்க,

சித்திரம் போல தீட்டப்பட்ட, தீமை காரனின் திட்டமே இந்த முள்முடி;
சிறிதான தலை நோவும் பெரிதான மனநோவை ஏற்படுத்துமே...
வேதனையின் உச்சத்தில் இறைவனை மறக்கவும்,
கசப்பு கலந்த காடியின் சுவையால் கருத்தை மாற்றவும்,

அழுத்தி திணித்து பதிக்கப்பட்டதே,
இந்த அச்சமூட்டும் முள்முடி.

கூரான முள்... குத்தி பதிந்ததை காட்டிலும்,
சீரான இறை பக்தி ஆழப் பதிந்து இருந்ததினால்,
என் ஆண்டவரின் முள்முடி...
அதுவே அவருக்கு மணி முடி ஆகிப்போனது.

ஆமென்.

கவிஞர் அருள் வேளாங்கன்னி

அற்புதம் அதிசயம்

மோசேயின் வேண்டுகோளுக்கு
செங்கடலை பிளந்து வழி ஏற்படுத்தினீர்!

யோசுவாவுக்கு, சூரியன் சந்திரனை தரித்து நிற்க செய்தீர்???

தெப்போராள் காலத்திலே, வானத்து நட்சத்திரங்களை யுத்தம் செய்ய வைத்தீர்!

ஆகாஷ் ராஜாவுக்காக சூரிய ஒளியை
பத்துப் பாகை பின்னிட்டு விழச்செய்தீர்.

எசக்கியா ராஜாவுக்கு வாழ்நாளை நீட்டிப்பு செய்து பிழைக்க செய்தீர்!
எலியாவுக்கு வானத்திலிருந்து அக்கினியை விலை செய்து, வலியை எரித்தீர்!

தம்மைப் பற்றி உத்தம இருதயம் உடையவர்களுக்கு இப்படியாக அதிசயங்கள் செய்து காட்டினீர்!!

இதோ...
அதிசயமானவரின் வெளியேறப்பெற்ற ரத்தத்தால்
நாங்கள் எங்கள் கடவுளின்
அதிசயமாயும், அற்புதங்கள் ஆயும் இருக்கின்றோம்.

இல்லாதவைகளை இருக்கிறவைகளை போல
அழைக்கின்ற இறைவனாலே...
இல்லாதவர்களும் இழிவானவர்களுமான நாங்கள்,
விசுவாசத்தில் ஐஸ்வர்யவான்கள் ஆனோம்!

தரித்தவர்கள் ஆன நாங்கள், யா - வே யின்
சொந்த சம்பத்துகள் ஆனோம்!
என்னிலும் பெரிய காரியங்கள் செய்வீர்கள், என்று
உற்சாகப்படுத்தின, கற்ச்சாடி அற்புதர்
உன்னத பலனாய், என் கூட இருப்பதினால்,
அற்பமான நானும் அற்புதம் செய்பவர் ஆனேன்!

சர்வ

அற்புதம் அதிசயம்

மோசேயின் வேண்டுகோளுக்கு
செங்கடலை பிளந்து வழி ஏற்படுத்தினீர்!

யோசுவாவுக்கு, சூரியன் சந்திரனை தரித்து நிற்க செய்தீர்???

தெப்போராள் காலத்திலே, வானத்து நட்சத்திரங்களை யுத்தம் செய்ய வைத்தீர்!

ஆகாஷ் ராஜாவுக்காக சூரிய ஒளியை
பத்துப் பாகை பின்னிட்டு விழச்செய்தீர்.

சர்வ சிருஷ்டியும் அதன் சாதகமான நிலையில் ஜீவிக்க
சாதகமில்லாத உலகிலே புது சிருஷ்டியாய்

நான் உருவாவதும் சர்வ வல்லவரின் அற்புதம் தானே!

எத்துணை செயற்கை கோள்களாலும்
எட்டாவது தூரத்தில் அவர் இருந்தாலும்,
என் உள்ளம் திரியங்களையும், அதன் உணர்வுகளையும்
என்னில் உதிக்கிறதுக்கு முன்னரே, அதை உள் உணர்ந்து,
உடனடி நிவாரணம் செய்வதும், என்
உன்னதமானவரின் அற்புதம் தானே!!

கண்காணாத தம் வல்லமையை
கருத்தாளமிக்க சத்திய வசனத்தின் மூலம், என்
கருத்துக்கள் அனுப்பி, அது கரு உண்டாகி
நாடி நரம்பு எல்லாம் புத்துணர்வு உண்டாக்கி

புது பலன் அடைய செய்வது, எத்துணை ஆச்சரியம்
எப்பேர்பட்ட அற்புதம்!!

சிந்தையை மாற்றி... அதன் சித்தத்தை மாற்றி,
முந்தையப் பாவம் அகற்றி...
பந்தய பொருளை அடைய
பக்குவப்படுத்தும், பரிகாரியின் புண்ணியம்.

காலா காலத்துக்கும் விளங்கப் போகும் அதிசயமே!

முடவன் மர குச்சியில் இருக்கும்
கொம்புத்தேனுக்கு ஆசைப்பட்டு,
மரம் ஏறி
அதைப் பெற முடியுமோ?

இதோ, டிஸ்காவின் கொடுமுடியில் (அழியாமை) நான்,
உயர்த்தப்படுவது அற்புதத்திலும்
அற்புதம் தானே!!

ஆமென்.

சிருஷ்டியும் அதன் சாதகமான நிலையில் ஜீவிக்க
சாதகமில்லாத உலகிலே புது சிருஷ்டியாய்

நான் உருவாவதும் சர்வ வல்லவரின் அற்புதம் தானே!

புது பலன் அடைய செய்வது, எத்துணை ஆச்சரியம்
எப்பேர்பட்ட அற்புதம்!!

காலா காலத்துக்கும் விளங்கப் போகும் அதிசயமே!

ஆமென்.

13. விரும்பத்தக்க ரூபம்

வாட்ட சாட்டமான உடலமைப்பும்
வாளெடுத்து போர் புரியும் திறமையும்
வாயினால் அனைத்தையும் அடக்கும் ஆணவமும்
வரப்போகிற தங்களின் மெசியாவின் ரூபமென்று
வணங்கா கழுத்துள்ள இசுரயேலர் எண்ணியிருந்த
தாங்கள் விரும்பத்தக்க ரூபமொன்றை எதிர் பார்த்திருந்தனர்.

இதோ.. எதிர் பார்த்த மெசியா வந்தார்;
வந்தவர் .. அடிக்கு அடி கொடுக்கிறவராய் இராமல்,
மனு கன்னத்தை திரும்பி காட்டும்
மாண்பு மிக்கவராய் இருந்தார்.
அவர்கள் விரும்பத்தக்க ரூபம் அவருகில்லை;
அவர்களின் விரும்பத்தக்க கேற்றவரை
இன்று வரை விரும்பித் தேடுகிறார்கள்.

சந்தை வெளியில் சத்தமிட்டு
வந்தனங்களை விரும்பி ஏற்று
சுயநிதி பரிசுத்தர் களாய் தங்களை எண்ணி
காசுக்கும், கனதுக்கும் கவனம் தந்து,
தங்களை கொண்டு, தங்களையே அளந்து கொண்ட,
மதியற்ற மத அதிகாரிகள் விரும்பின மெசியா ரூபம்,
இதோ... இந்த மனுஷ குமாரனுக்கில்லை.

இதோ... இவர் தச்சனுடைய குமாரன்... என்று
அவரை... தண்டிக்கவே சமயம் கண்டவர்களுக்கும்
அவர்கள் விரும்பத்தக்க ரூபம் அவரில் காணவில்லை.

ஆனாலும், இதோ என் ரூபா சௌந்தர்யர்
மற்றோர் விரும்பத்தக்க ரூபமாய் காணப்படாமல்,
தான் விரும்பத்தக்க ரூபமாய் - பிதாவின் மகிமையை கண்டு
அவர், விரும்பத்தக்க விதமாய்... நடந்து கடந்து போனாரே!!

இதோ.. விரும்புகிறதற்கு பதிலாய், வெறுக்கத்தக்க ரூபம்,
எனக்குள் இருந்த போதும்... பரந்த மனதுடனும்
திறந்த வசனத்துடன்... சிறந்த சீருக்கு... என்னை
சீர்படுத்தி... தான் விரும்பத்தக்க ரூபத்தை,
எனக்குள் பதிக்கும் என் ஆண்டவர் நாமம் வாழியவே!

நான்...இரும்புக்கொத்த இருதயமாயிருந்தும்... அதிலே,
கருபுக்கொத்த இனிமையை கூட்டி... தான்,
விரும்பத்தக்க ரூபத்தை... உருக்கின வெள்ளிச் சாறில்
பதிக்க தக்கதாக்கி... அதை மதிக்கத்தக்க தாக்கினார்.

என் பழைய முகம் உற்றுப்பார்க்க
எனக்கே பிடிக்கவில்லை.
அள்ளி .. அள்ளி.. அழகூட்டினாலும், பாவத்தோடு
அழுத முகமே.. எனது சுயரூபமாகும்;
எனக்கே பிடிக்காததை...எனது
உடனிருப்போர்... விரும்புவாரோ?

பூவோடு சேர்ந்த நாறும் மணப்பது போல்
பூரித்த புது முகரூபம்... என் நேசரோடு,
இணைந்ததினால் நான் பெற்றேன்!!

ஆம். அவர் இருக்கிற வண்ணமாகவே...
நான் அவரைத் தரிசிப்பேன்;
நான் விரும்பத்தக்க ரூபம் எண்ணில் வளர்கிறேன்;
இதோ... சகல ஜாதிகளாலும் விரும்பப்பட்டவராய்
என் கர்த்தர் மகிமையில் வெளிப்படுவார்!!
அப்போது... எல்லோரும் விரும்பத்தக்க ரூபம்
எனக்குள் இருக்கும்!!

ஆமென்.

14. அப்போஸ்தலராகிய பவுல்

மாம்சத்தில் வந்த கர்த்தரை கானாதவர் பவுல்
கெத்சமனேயில் கூட இல்லாதவர், பவுல்;
மகிமையில்உயிர்த்த இயேசுவை முகமகமாய் தரிசித்தவர் பவுல்.

அகால பிறவி என்று அறிக்கையிட்டு அத்தாட்சி பெற்றவர் பவுல்;
நியாயப் பிரமானத்தில் வைராக்கியமுள்ள, சவுல்
நியாயமான பக்தி கேதுவாக திருப்பட்ட பவுல்;
நியாய சங்கத்தின் வாதத்தில் சாதுர்யமான.. பவுல்;
நியாத்தீர்ப்பு தேவ சபையில் துவங்குகிறது என்று அறிக்கையிட்டு பவுல்.

பழைய பஸ்காவின் பேசும் பொருளாக பல இருந்தாலும்,
புது சிருஷ்டியின் பாஸ்கா பற்றி புதிய அர்த்தம் பேசும் சீஷன், அப். பவுல்;
தலைமுறை தலைமுறையாக மறைவாயிருந்த தேவ ரகசியத்தை...
இறை முறை தவறாமல் விளக்கை காட்டினவர் பவுல்;
அவனுடைய உத்தியோகத்தை வேறொருவன் பெறுவான்
என்ற தீர்க்கதரிசனத்தின் நிறைவேறும் பொருளானவர் அப். பவுல்.

வசதியில் தாழ்ந்திருக்க தெரிந்த பவுல்,
குறைவுகளில் வாழ்ந்திருக்கும் தெரிந்த பவுல்;
பாவிகளில் பிரதானமானவன் என்ற பவுல்;
பாவங்களின் வகையை பட்டியலிட்ட பவுல்.

வலதுபுறம் நான்.. இடது புறம் நீ... என்று
போட்டி போட்டவரெல்லாம் போக முடியாத இடத்துக்கு
வலது பாரிசத்தில் வீற்றிறுருப்பவரின் வலது கரத்தில்
வசீகரா நட்சத்திரமாக முதலிடம் பெற்றவர், அப். பவுல்.

ஆம். போட்டியினாலும், வாதினாலும் ஒன்றையும்
ஒன்றையும் பெற முடியாது என்ற போதனையின்
பொருளடையாளம் ஆனவர்... அப். பவுல்

பெயரையும் மதிப்பையும் இழந்து
துடைத்து போடப்பட்ட அழுக்கை போல், எண்ணப்பட்டவர
பந்தையப் பொருளை அடையும் படிக்கு அனைத்தையும்
நஷ்டமும் குப்பையும் என்று எண்ணி தள்ளியவர் அப். பவுல்

மூன்று வானங்களை கடந்தவர், அப். பவுல்
மூன்றாம் வானமாகிய பரதீசை கண்டவர், பவுல்
மூன்று யுகங்களின் தீர்மானத்தை, அரபு தேசத்தில்,
மூன்று வருஷமாய் காற்று கொண்டவர் அப். பவுல்

புற ஜாதிகளுக்கான புனிதராம், அப். பவுல்
ஒரு ஜாதியாம் யூதர்களுக்கு மரிக்கவும் துணிந்தவர் பவுல்

தன்னை பின் பற்றுங்கள் என்ற தைரியசாலி, பவுல்;
தான் ஆகாதவனாய் பொகாதபடிக்கு பயந்திருக்கும் பவுல்;
படிப்பு திறன் இருந்தாலும்,
அந்த பெலத்தினால் அல்ல;
பெலப்படுத்துகிற கிறிஸ்துவினால்;
ஜெயம் கொண்டவர் அப். பவுல்
விசுவாச வீரர்களின் பட்டியலை விளக்கி காட்டினவர் பவுல்;
கர்த்தருடைய பாடுகளில் குறைவானதே பட்டவர், அப். பவுல்;
காலமெல்லாம் கண்களில் நீர் வழிந்து உறுத்தினாலும்;
கர்த்தரை மட்டுமே நோக்கி பார்த்து;
உடன் கர்த்தரானவர் அப்போஸ்தலர் பவுல் அடிகளார்!!

ஆமென்.

கவிஞர் அருள் வேளாங்கன்னி

15. கர்த்தாவே செவி கொடும்

காணிக்கை பெட்டியில் அள்ளிப் போட்டது போல,
கருத்தாய் பலி செலுத்தும் உமது கண்ணியவான்கள் மத்தியிலே;

இதோ... இக்கட்டான இடுக்கண்களுக்கு மத்தியில்,
இரண்டு காசுகள் போட்ட ஏழை விதவை போல,
இயன்றதைச் செலுத்துகிறேன் ஏற்றுக்கொள்ளும்,
என் எஜமானரே.

கூப்பிட்டவுடன் கதவை திறக்கும் உமது சமூகத்தில்,
தகுதியுள்ள விருந்தினர்களுக்கு தடையில்லாமல் போஷிப்பவரே.

இதோ... விடாமல் கதவை தட்டும் ஏழைப் பெண் போல,
பெனவீனமான மாம்சக் குறைவுகளுடன் நான் இருந்தாலும்,
பெலமுள்ள இருதய தைரியத்தால்...
உம் பெலன் வேண்டி தயவை கேட்கும் எனக்கு
கருணை காட்டுங்கள் இயேசு நாதரே.

கணமிக்க பரிசேய கனவான்கள் மத்தியிலே
கபடமில்லா பரிசுத்த சீஷர்களின் அருகாமையில்,
பந்தியிலே நீர் பசியமர்கையிலே.. இதோ
பாவியாகிய பெண்ணின் கண்ணீருக்கு இறங்கி,
பாவத்தை மன்னித்து சமாதானத்தை பரிசளித்தவரே.

நொருங்குண்ட எண் இருதயத்தையும்
நருங்குண்ட எண் நிலைமையையும்,
கண்ணோக்கி பார்த்து உயிரூட்டுங்கள் என் ஆத்தும நேசரே

இதோ... இஸ்ரயலை மீட்டு இரட்சிபார்,
நாங்களும் அவரோடே இருக்கையில் அமைர்வோம்.
என்று, எண்ணி இருந்தவர்களுக்கு,
எம்மா போகிற வழியில்,
இருதயம் கொழுந்து விட்டு எரியும் அளவுக்கு
இரகசியத்தை விளக்கி சொல்லி தேற்றினவரே...

எதிர்கால பயத்தினால்.. அப்படியே
ஏமாற்றும் சுயத்தினாலும்.. சில நேரம்
கலங்கி தவித்து,நான் கவலை படுகையில்,
உமது புண்ணியத்தின் பூரணத்தால், நான்
புத்துணர்வு அடையும் படி, என்னை
புதுப்பியும் என், மணவாளரே.

பொய்க்காத கிருபாசன கிருபையும்
பொங்கி வழியும் இரக்கத்தின் அருமையும்
ஓங்கி செழிக்கும் நீதியின் நிச்சயமும்,
கொடுத்து என்னை தாங்கி பிடித்து,
நீர்... கொள்ளும் வரை, என்னை
காப்பாற்றும், எண் தயாபரரே!!

ஆமென்.

கவிஞர் அருள் வேளாங்கன்னி

16. அய்யா, பேதுரு ஐயா அவர்களே

ஐயா, பேதுரு அவர்களே...
ஆர்வமுள்ள பேதுரு நீர்
ஆசீர்வதிக்கபட்ட பேதுரு

கபடமில்லா பேதுரு,
கட்டுக்கடங்காத பேதுரு;
முந்திப்பேசும் பேதுரு,
முதிர் வயது பேதுரு;
கணம் பெற்ற பேதுரு,
கடிந்து கொல்லப்பட்ட பேதுரு;
தைரியமான பேதுரு,
மறுதலிக்கும் பேதுரு.

தன்னம்பிக்கை பேதுரு,
தன்னலம் அற்ற பேதுரு;
பட்டயம் வீசும் பேதுரு,
பதறியோடும் பேதுரு;
அனுபவமிக்க பேதுரு,
அதை மறந்து போகும் பேதுரு;
தண்ணீர் மேல் நடந்த முதல் அபூரன மனிதன் பேதுரு,
தன்னிலை உணர்ந்து உதவி தேடும் பேதுரு.

நீர் ஜீவனுள்ள கடவுளின் இறைமகன் என்று அறிக்கையிட்ட பேதுரு,
ஜீவ வசனம் உம்மிடமுண்டு;
யாரிடத்தில் நாங்கள் போவோம்?
யார் இருக்கிறார் எங்களுக்கு...
என்று அடைக்கலமான பேதுரு.

குருவை மிஞ்சி பேசும் குறும்பு சீடன் பேதுரு,
குற்றம் உணர்ந்தால், நீரே அறிவீர்
என்று நீர்த்து போகும் பேதுரு.

பரிபூரண கண்களின் கருணைப் பார்வையை
கடைசியாய் பார்த்த பேதுரு
உற்றுப் பார்த்த உளிப் பார்வையால்,
செதுக்கப்பட்டு மனம் கசந்து அழுத்த பேதுரு.

முடங்கி போன பேதுரு,
மீண்டும் மீன் பிடித்த பேதுரு;
திறந்த கள்ளை செய்தி கேட்டு விரைந்து ஓடிய பேதுரு;
எம்மாவு வழியிலே, இருதயம் கொழுந்து விட்டு எறிந்த பேதுரு;
ஜீவாதிபதியை கொலை செய்தீர்
என்று சாட்சி யிட்ட பேதுரு;
இரண்டு சாவி பெற்ற பேதுரு... அதை
இரு திறத்தாருக்கு (யூதர் + புறஜாதி) திறந்து விட்ட பேதுரு.

தலை கீழாய் சிலுவை மரணம் கண்ட பேதுரு;
மகிமையில் கர்த்தரோடு மகிழ போகும் பேதுரு;
நிருபங்கள் வழியாய் நமக்கு புரியவைக்கும் பேதுரு;

ஐயா பேதுரு...
மனித பெலவீனத்தையும்
அசட்டு தைரியத்தையும்
சுய நம்பிக்கையும்
மறுதலிக்கும் மீருதலையும்
மனம் கசந்து அழுதலையும்
புனிதமான புதுப்பித்தலையும்
இதோ... உம்மைப் காண்கிறோம்,
பாஸ்கா காலத்தின் பேசும் பொருள் நீர்

சகோதரனாகிய பேதுரு அய்யா,
நம் ஆண்டவர் பரிபூரணமான முன்னடையாளம்,
நீர்... அபூரணதிற்கு முன் உதாரணம்;
பூரணத்தை உயர்த்தி.. பூரணத்தை அரவணைக்கும்
நம் கடவுளின் திவ்ய பிரகாசத்தை
நீர் இப்போது தரிசிப்பது போல,
நாங்களும் தரிசிப்போம், நம்முடைய
தலையானவரின் தலையீட்டினாலே!!

உம்மோடு உறுதியாய் நிற்கும்
மீதி பதினொரு அஸ்திபார கற்களுக்கும்
எங்கள் வாழ்த்துதலை பகிருங்கள்
சகோதரனாகிய பேதுரு அய்யா அவர்களே!

ஆமென்.

கவிஞர் அருள் வேளாங்கன்னி

M E N O R A

Search Menora

SELECT A VIDEO

TAMIL PROSE POETRY | தமிழ் உரை இலக்கியம்

TAMIL PROSE POETRY

Comments

Post a Comment